ಏಕೀ ಆಲಸ್ಯವು ಆತನಿಗೆ ದೇವಿ

ಏಕೀ ಆಲಸ್ಯವು ಆತನಿಗೆ ದೇವಿ

ಭಕುತರೇ ಮೇಲೇರಿ ಮುಂದೆ ಹೋಗುತಿಹರು

೧

ಕಣ್ತೆರೆದು ನೋಡೆನ್ನು ಪಾಲಾಕ್ಷನಿಗೆ ಗೌರಿ

ಬೇಡ ತನ್ನ್ ಎರಡೂ ಕಂಗಳನು ನೀಡಿಹನು
ಎಕೀ ಆಲಸ್ಯವು...

೨

ಬೆರಳೆತ್ತಿದ ಗಿರಿಧಾರಿಗೆ ಹೇಳಮ್ಮ ಲಕುಮಿ

ತಂದೆ ವಸುದೇವನ ತೋಳ್ಬಲವ ಗಮನಿಸಲು
ಎಕೀ ಆಲಸ್ಯವು...

೩
ಗೀತೆಯೊಂದನು ಸಾರಿ ಮೆರೆವಾತ ಕೇಶವಗೆ

ನೂರಾರು ಗೀತೆಗಳನು ರಚಿಸಿಹರು ದಾಸರು
ಎಕೀ ಆಲಸ್ಯವು...

೪

ಏನದು ಅಭಯ ಹಸ್ತ ತೋರುವಾತ ನಮಗೆ

ಇಗೋ ಉಭಯಹಸ್ತದಿಂ ಕರ್ಮಯೋಗಿ ನಮಿಸುವನು

ಎಕೀ ಆಲಸ್ಯವು...